Kreml Rossiya shaharlaridagi bombalar haqidagi anonim qo‘ng‘iroqlar bo‘yicha maxsus xizmatlardan so‘rashni tavsiya qildi 

Rossiya prezidentining matbuot kotibi Dmitriy Peskov Rossiyadagi turli ma’muriy va savdo binolari minalashtirilgani haqidagi anonim qo‘ng‘iroqlar bo‘yicha savollarni maxsus xizmatlarga yo‘llashni tavsiya qildi. Bu haqda “RIA Novosti” xabar bermoqda.

“Bu bizning maxsus xizmatlarga taalluqli masala”, — dedi Peskov jurnalistlarning vaziyatga izoh berish haqidagi savollariga javoban.

Oxirgi ikki-uch kun mobaynida Rossiyaning yirik shaharlarida bombalar o‘rnatilgani haqida ko‘plab anonim qo‘ng‘iroqlar qayd etildi. Vaziyat bilan tanish manbalar mazkur qo‘ng‘iroqlarning aksariyati Ukraina hududidan amalga oshirilganini ta’kidlamoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!