Sochida oltin rangli Mercedes selfiga tushmoqchi bo‘lgan ayolni urib yubordi

Sochi yaqinidagi tabiat qo‘ynida suratga tushmoqchi bo‘lgan sayyohni “tilla” Mercedes urib yubordi, deb xabar berdi “Avtovzglyad”.

Noxush hodisa 11-sentabr kuni Mzimta daryosi ustidan o‘tuvchi osma ko‘prikda sodir bo‘ldi. Ko‘pincha sayyohlar ushbu joydagi tog‘ yonbag‘ri va ko‘prik konsturksiyasida suratga tushish uchun to‘xtashadi.

Chiroyliroq fonda suratga tushish uchun ikki erkak va bir ayol yo‘lning nargi tarafiga o‘tishga harakat qilgan. Bu yerda piyodalar o‘tish yo‘lagi mavjud emas. Shu vaqtda Sochi tomondan katta tezlikda oltin rangli Mercedes-Benz S400 avtomobili harakatlanib kelib qolgan. Erkaklar yo‘lni kesib o‘tishga muvaffaq bo‘lgan, ayol esa — yo‘q. Mashina zarbasining kuchidan 38 yoshli ayol o‘nlab metr uzoqqa uchib ketgan va voqea joyida halok bo‘lgan.

“Daryo”ning YouTube’dagi rasmiy sahifasiga obuna bo‘ling