Braziliya prezidenti Mishel Temerga nisbatan yangi ayblovlar ilgari surildi

Braziliya prezidenti Mishel Temerga nisbatan yangi ayblovlar ilgari surildi: bu gal u sudlovga to‘sqinlik va reketda ayblanmoqda. Bu haqda Reuters ma’lum qildi.

Mazkur ayblovlar ham dunyodagi yirik JBS SA go‘shtni qayta ishlash konserni egalari ko‘rsatmalariga asoslangan. Ular oldinroq Temerni siyosiy ko‘mak evaziga poraxo‘rlik va guvoh sukutini sotib olishga urinishda ayblagandi. Prezidentning o‘zi qonunbuzilishlariga aloqadorligini qat’iyan rad etdi.

Avgustda Temerga nisbatan ayblovlar uning Kongress vakillar palatasidagi tarafdorlari tomonidan blokirovka qilingandi. Biroq ayblovlar o‘z kuchida qoladi va Temer lavozimini tarq etishi bilan, ya’ni 2019-yil 1-yanvardan so‘ng qayta e’lon qilinishi mumkin.

“Daryo” yangiliklarini “Odnoklassniki”da kuzatib boring