Tashqi ishlar vaziri Abdulaziz Komilov Bangladesh elchisini qabul qildi

2017-yilning 15-sentabr kuni O‘zbekiston Respublikasi Tashqi ishlar vaziri Abdulaziz Komilov Bangladesh Xalq Respublikasining Favqulodda va muxtor elchisi Masud Mannanni qabul qildi. Bu haqda TIV matbuot xizmati xabar bermoqda.

O‘zbekiston Respublikasi Tashqi ishlar vazirligining 12-sentabrdagi Myanmada ozchilikni tashkil etuvchi musulmonlarga ko‘rsatilayotgan zo‘ravonlik holatlari haqidagi bayonoti va O‘zbekiston Hukumati tomonidan Bangladeshga qochqinlarning ehtiyojlari uchun ularga insonparvarlik yordamini yuborish to?g?risidagi qaroriga oid amaliy masalalar muhokama qilindi.

Uchrashuv chog‘ida ikki tomon munosabatlarining hozirgi holati va istiqbollari, shuningdek O‘zbekiston hukumat delegatsiyasining Bangladeshga bo‘lajak tashrifi kun tartibi va dasturi ham ko‘rib chiqildi.

“Daryo” yangiliklarini “Odnoklassniki”da kuzatib boring