Toshkent viloyatida noqonuniy daraxt kesish holati aniqlandi

Toshkent viloyati Zangiota tumanida daraxtlarni noqonuniy kesish holati aniqlandi. Bu haqda viloyat prokuraturasi ma’lum qildi.

Toshkent tumanida yashovchi B. Soyibnazarov Zangiota tumani “Darxon” mahallasidagi 240 tup turli xildagi manzarali daraxtlarni noqonuniy tarzda kesib olib ketib, o‘simlik dunyosiga jiddiy ziyon keltirgan.

B. Soyibnazarov tomonidan yetkazilgan moddiy zarar miqdori 300 million so‘mdan oshiq baholanmoqda.

Holat yuzasidan Jinoyat kodeksining 198-moddasi (ekinzor, o‘rmon va boshqa dov-daraxtlarga shikast yetkazish va ularni nobud qilish) bilan jinoyat ishi qo‘zg‘atilib, tergov harakatlari ichki ishlar organlari tomonidan olib borilmoqda.

Jinoyat ishi tergovi nazoratga olingan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!