Venesuela o‘z nefti narxini dollar o‘rniga yuanda belgilashni boshladi

Venesuela o‘z nefti bahosini dollarda belgilashda voz kechdi va buning uchun yuanni qo‘llay boshladi. Bu haqda mamlakat prezidenti Nikolas Maduro ma’lum qildi, deya xabar beradi “TASS”.

“Biz barcha mahsulotlarni valyuta savatchasidan foydalanib sotyapmiz. Neft bahosi yuanda belgilanmoqda. Bunga majbur qilishdi. Uch hafta oldin AQSh prezidenti Donald Tramp Venesuelaga qarshi noqonuniy, asossiz sanksiyalar joriy etdi. Hozir neft masalasida AQShda bir nechta sud ketmoqda, sanksiyalar tufayli bizga to‘lab berisholmayapti”, — deb ta’kidladi Maduro.

O‘tgan haftada Maduro Venesuela “dollardan ozod bo‘lish” uchun xalqaro hisob-kitoblarda yuan, yevro, iyena, rupiya va boshqa valyutalardan foydalanish niyatida ekanligini bildirgandi.

“Daryo” yangiliklarini “Odnoklassniki”da kuzatib boring