AQShning BMTdagi doimiy vakili: agar AQShning himoyalanishiga to‘g‘ri kelsa, Shimoliy Koreya yo‘q qilinadi

AQShning BMTdagi doimiy vakili Nikki Xeyli agar AQSh o‘zini yoki ittifoqdoshlarini himoya qilishiga to‘g‘ri kelsa, Shimoliy Koreya yo‘q qilinishini aytdi, deb yozadi Meduza. “Buni hammamiz tushunamiz va hech birimiz bunday bo‘lishini istamaymiz”, — dedi Xeyli.

Doimiy vakil so‘zlariga ko‘ra, AQSh Shimoliy Koreya yadro dasturi atrofidagi nizoni tartibga solish uchun barcha diplomatik choralarni ko‘rmoqchi. “Agar bu ish bermasa, bu bilan general Mettisning o‘zi shug‘ullanadi”, — deya va’da berdi Xeyli. General Jeyms Mettis — AQSh mudofaa vaziri.

Xeyli qo‘shimcha qilishicha, Shimoliy Koreyaga BMT doirasida ta’sir o‘tkazish imkoniyatlari deyarli tugab bitgan.

“Daryo” yangiliklarini Facebook’da kuzatib boring