Ashxobod—2017. Dusanova oltin olganiga qaramay, O‘zbekiston delegatsiyasi Eronni oldinga o‘tkazib yubordi

Usti yopiq inshootlardagi Osiyo O‘yinlarida O‘zbekiston delegatsiyasi umumjamoa hisobida 3-o‘rinni egallab turibdi.

Bunga qadar O‘zbekiston termasi mezbon Turkmanistondan so‘ng ikkinchi bo‘lib turgandi, bir kun ichida eronlik sportchilar oltin medallar sonini 4 taga yetkazib, 2-o‘ringa ko‘tarilib oldi.

O‘zbekiston termasiga uchinchi oldin medalni balandlikka sakrash musobaqasida Nadiya Dusanova olib berdi. Mazkur musobaqada ishtirok etgan yana bir o‘zbekistonlik sportchi Safina Sa’dullayevaga kumush medal nasib qildi.

O‘zbekiston termasida medallarning umumiy soni 28 ta. Bu ikkinchi ko‘rsatkich hisoblanadi. Shularning 3 tasi oltin, 5 tasi kumush va 20 tasi bronza. Turkmanistonlik sportchilar esa allaqachon 29 ta oltin, 21 ta kumush va 12 ta bronzaga ega chiqib ulgurdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!