Erdo‘g‘on kurdlarni “Turkiyaning do‘stlari” deb atadi 

Turkiya prezidenti Rajab Toyyib Erdo‘g‘on Anqara kurdlarga qarshi emasligini bildirdi. Bu haqda “Gazeta.ru” xabar bermoqda.

“Biz kurdlarga emas, terrorchi tashkilotga qarshimiz. Kurdlar — bizning do‘stlarimiz”, — ta’kidladi Erdo‘g‘on PBS NewsHour uchun bergan intervyusida.

Shuningdek, Turkiya prezidenti mamlakatning Yevropa Ittifoqiga kirishi bilan bog‘liq vaziyatga izoh berdi.

“Yevroittifoq rasmiylari aniq to‘xtamga kelishi lozim — ular bizni qabul qiladimi yoki yo‘qmi? Biz barchasiga tayyormiz”, — dedi Turkiya prezidenti.

“Daryo”ning Telegram’dagi rasmiy kanali — @toshqindaryo’ga a’zo bo‘ling!