Toshkentda qo‘shnisining uyidan taqinchoq o‘g‘irlagan kelin fosh etildi
Toshkent tumanida qo‘shnisining uyidan tilla taqinchoqlar o‘g‘irlagan kelin fosh etildi. Bu haqda Toshkent viloyati IIB ma’lum qildi.
“Joriy yilning 12-sentabr kuni soat 08:00 larda Toshkent tumanida yashovchi, uy bekasi, 1997-yilda tug‘ilgan Xurshida Nabiyeva uyda hech kim yo‘qligi va eshigi ochiq qolganligidan foydalanib, erkin yo‘l bilan kirib qo‘shnisi, uy bekasi, 1973-yilda tug‘ilgan Nargiza Sharipovaning uyi yotoqxonasidagi shkafi ichidan umumiy narxi taxminan 4 million so‘m bo‘lgan bir dona tilla trosi, bir dona tilla uzugi va bir juft tilla ziraklarini o‘g‘irlagan”, — deyiladi xabarda.
Olib borilgan tezkor chora-tadbirlar natijasida Xurshida Nabiyeva ushlandi. Unga nisbatan Jinoyat Kodeksining 169-moddasi bilan jinoyat ishi qo‘zg‘atildi.
“Daryo”ning YouTube’dagi rasmiy sahifasiga obuna bo‘ling