Saudiya Arabistonida milliy bayramga birinchi marta ayollar taklif etildi

Saudiya Arabistonida mamlakatning milliy bayrami — qirollikning birlashuv kuni munosabati bilan 23-sentabr kuni stadionda o‘tadigan tadbirga birinchi marta ayollar taklif etildi. Bu haqda “Interfaks” xabar bermoqda.

Ayollar va ularning oila a’zolari ar-Riyoddagi qirol Fahd nomidagi xalqaro stadionga kiritiladi, ammo ular yolg‘iz kelgan erkaklardan alohida o‘tiradi.

Ilgari stadionga tashrif buyurish huquqi faqat erkaklarda bor edi.

“Stadion 40 ming kishini qabul qila oladi, oilalar va yolg‘iz odamlar alohida o‘tiradi”, — ma’lum qildi tantanalar tashkilotchilaridan biri.

“Daryo”ning YouTube’dagi rasmiy sahifasiga obuna bo‘ling