Arnold Shvarsenegger uchun elektr Hummer H1 yaratishdi

Avstriyaning Kreisel firmasi Arnold Shvarsenegger uchun dunyodagi birinchi elektr Hummer H1 avtomobilini yaratdi, deb yozadi “Motor”.

Mashina kompaniyaning yangi tadqiqotlar va ishlanmalar markazi ochilish marosimida premyera qilindi, unda aktyor Avstriya kansleri Kristian Kern bilan birga qatnashdi.

Yo‘ltanlamasni bor-yo‘g‘i ikki oyda tugatishdi. Uni old va orqa o‘qlardagi elektr motorlar bilan jihozlashdi, ularning umumiy quvvati 490 ot kuchiga teng. Dvigatellar 100 kilovatt/soat sig‘imli batareyalar komplektidan quvvat oladi.

Avtomobil bir marta olgan quvvati bilan 300 km yo‘l bosadi. Ekologik Hummer’ning og‘irligi 3300 kilogrammga teng.

“Daryo” yangiliklarini “Odnoklassniki”da kuzatib boring