O‘rtachirchiq tumanida uch yoshli bola ariqda cho‘kib ketdi

O‘rtachirchiq tumanida sodir bo‘lgan yana bir baxtsiz hodisa oqibatida uch yoshli bola halok bo‘ldi. Bu haqda Toshkent viloyati prokuraturasi ma’lum qildi.

Fojia bola qarovsiz qolib, uyi oldidan oqib o‘tuvchi ariqda cho‘kib ketishi natijasida sodir bo‘ldi.

Baxtsiz hodisa bolalar o‘limiga olib kelgan yagona holat emas. Sodir bo‘lgan baxtsiz hodisalarning aksariyati ota-onalar tomonidan farzandlarini qarovsiz qoldirilishi natijasida yuzaga kelgan.

Toshkent viloyati huquqni muhofaza qiluvchi organlari tomonidan qurbonlarning yaqinlari va oila a’zolariga hamdardlik bildirilib, bu kabi baxtsiz hodisalarning oldini olish maqsadida ota-onalardan har qanday holatda o‘z farzandlarini qarovsiz qoldirmaslik so‘raldi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!