Moldova parlamenti prezident Igor Dodonga nisbatan impichment jarayonini boshladi

Moldova parlamentiing Liberal partiyadan saylangan deputatlari prezident Igor Dodonni lavozimidan chetlatish jarayonini boshlash to‘g‘risidagi qonun loyihasi uchun imzo to‘plamoqda. Bu haqda “Korrespondent.net”  xabar berdi.

Qonun loyihasi ro‘yxatdan o‘tkazilishi va parlament yig‘ilishida ko‘rib chiqilishi uchun 101 deputatdan 34 nafarining imzosi talab etiladi.

Liberal partiya yetakchisi Mixay Gimpuga ko‘ra, qonun loyihasi prezident tarafdorlarining Sotsialistlar partiyasidan tashqari barcha parlament fraksiyalariga yuborildi.

Prezidentga impichment e’lon qilinishiga davlat rahbarining Moldova harbiylarini xalqaro mashg‘ulotlarga yuborishdan bosh tortgani va “mamlakatda Rossiya manfaatlarini ilgari surishda davom etayotgani” sabab sifatida ko‘rsatilmoqda.

“Daryo” yangiliklarini “Odnoklassniki”da kuzatib boring