Meksikadagi zilzilada halok bo‘lganlar soni 286 kishiga yetdi

Meksika milliy avariyaviy-qutqaruv xizmati rahbari Luis Felipe Puente 19-sentabrda yuz bergan kuchli zilzila natijasida halok bo‘lganlar soni ayni paytda 286 kishiga yetganini ma’lum qildi, deb yozadi “Gazeta.ru”.

Uning so‘zlariga ko‘ra, mamlakat poytaxtida 148 kishi, Morelos shtatida 73 kishi, Puebleda — 45, Mexiko shtatida — 13, Gerreroda — 6, Oaxakada — 1 kishi halok bo‘lgan.

7,1 magnitudali zilzila Mexiko yaqinida 19-sentabr kuni yuz berdi. Mamlakat hukumati ma’lumotlariga ko‘ra, 2 mingdan ortiq kishi jabrlangan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!