Shavkat Mirziyoyev zilzila oqibatida ko‘plab insonlarning halok bo‘lganligi munosabati bilan Meksika prezidentiga hamdardlik bildirdi

O‘zbekiston Respublikasi Prezidenti Shavkat Mirziyoyev Meksikada yuz bergan kuchli zilzila oqibatida ko‘plab insonlarning halok bo‘lganligi munosabati bilan mamlakat prezidenti Enrike Penya Nyetoga hamdardlik maktubini yo‘lladi. Bu haqda TIV matbuot xizmati xabar bermoqda.

“Meksikadagi talofatli zilzila oqibatida ko‘plab insonlarning halok bo‘lganligi haqidagi xabar bizni chuqur qayg‘uga soldi”, — deyiladi maktubda.

Shavkat Mirziyoyev butun Meksika xalqiga, shuningdek, nobud bo‘lganlarning oila a’zolari va yaqinlariga va jarohatlanganlarga samimiy hamdardlik va dalda so‘zlarini yetkazishni so‘radi.

“Daryo” yangiliklarini Facebook’da kuzatib boring