O‘zbekiston delegatsiyasi Nyu-Yorkda “C5+1” formatidagi tashqi ishlar vazirlari uchrashuvida ishtirok etdi
22-sentabr kuni Nyu-Yorkda tashqi ishlar vaziri Abdulaziz Komilov boshchiligidagi O‘zbekiston delegatsiyasi Markaziy Osiyo davlatlari va AQSh tashqi siyosiy idoralari boshliqlarining “C5+1” formatidagi navbatdagi uchrashuvida ishtirok etdi. Bu haqda TIV matbuot xizmati xabar berdi.
Qozog‘iston, Qirg‘iziston, Tojikiston, Turkmaniston, O‘zbekiston tashqi ishlar vazirlar va AQSh davlat kotibi umumiy kun tartibi, birinchi galda, iqtisodiyot, ekologiya va xavfsizlik masalalarida fikr almashdi.
Afg‘onistondagi vaziyat hamda uni mintaqaviy jarayonlarga jalb etish istiqbollariga alohida e’tibor qaratildi.
Olti mamlakat tashqi siyosiy idoralari rahbarlari o‘zaro aloqalarga daxldor boshqa masalalarni ham muhokama qildi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!