Amerikaliklarning ko‘pchiligi KXDRga ogohlantiruvchi zarba berishga qarshi chiqdi

Amerikaliklarning uchdan ikki qismi KXDRga ogohlantiruvchi zarba berishga qarshi chiqadi, deb yozadi “Kommersant” The Washington Post va ABC News tomonidan tayyorlangan so‘rov natijalariga tayanib.

AQShning har qanday harakatlari javob tariqasida bo‘lishi kerak, degan fikrga fuqarolarning 67 foizi qo‘shiladi. Amerikaliklarning 82 foizi AQShning birinchi zarbasi Sharqiy Osiyo bilan yirik urush boshlanishiga olib kelishi mumkinligiga ishonchi komil, ularning 69 foizi esa ogohlantiruvchi zarba jiddiy risk ekanligini aytgan.

Shu bilan birga, AQSh prezidenti Donald Trampning Shimoliy Koreyaga nisbatan to‘g‘ri qarorlar qabul qilish qobiliyatiga so‘ralganlarning 37 foizigina ishonadi, 72 foiz ishtirokchilar esa AQSh harbiy qo‘mondonligi qobiliyatlariga ishonadi.

“Daryo”ning YouTube’dagi rasmiy sahifasiga obuna bo‘ling