Pxenyan AQSh bombardimonchilarini urib tushirishga haqli ekanini bildirdi

KXDR AQSh prezidenti Donald Trampning BMT sammitidagi so‘zlarini urush e’lon qilinishi sifatida tushundi va shunga yarasha javob choralari ko‘radi. Bu haqda Shimoliy Koreya tashqi ishlar vaziri Li Yon Xo bayonot berdi, deb xabar qiladi “TASS”.

Uning so‘zlariga qaraganda, endilikda Pxenyan AQShning strategik bombardimonchi samolyotlarini urib tushirishga haqli.

“Qo‘shma Shtatlar bizning mamlakatga urush e’lon qilgan ekan, biz ham javob choralari ko‘rishga haqlimiz. Jumladan, ularning strategik bombardimonchilari bizning havo hududimizga kirmagan taqdirda ham ularni urib tushirishga huquqimiz bor”, — dedi diplomat.

Bundan tashqari, AQSh hukumati so‘zlardan harakatga o‘tmasligiga umid bildirdi.

“Daryo” yangiliklarini Facebook’da kuzatib boring