Yunon qahramoni Geraklning tobuti 57 yildan so‘ng Antalyaga qaytarildi

Turkiyaning Antalya shahrida afsonaviy yunon qahramoni Geraklga nisbat beriladigan sarkofag taqdimoti bo‘lib o‘tdi. Osori atiqa 57 yil muqaddam Shveysariyaga noqonuniy olib chiqib ketilgan edi, deb xabar beradi “TASS”.

Sarkofag Rim imperiyasi davriga oid nodir san’at asari bo‘lib, milodiy ikkinchi asrga borib taqaladi. 235 santimer uzunlik, 112 santimer kenglikka ega, ikki tonna og‘irlikdagi konstruksiyada Geraklning 12 qahramonligini ko‘rsatuvchi barelyeflar chizilgan.

Tobut prezentatsiyasi Antalya arxeologiya muzeyida bo‘lib o‘tdi. Tadbirda mamlakat madaniyat va turizm vaziri No‘mon Qurtulmush ishtirok etdi.

“Daryo” yangiliklarini Facebook’da kuzatib boring