Xitoylik yigit sevgan qiziga ikki metrli o‘yinchoq ayiq sovg‘a qildi. Biroq qiz rad javobini berdi

Xitoylik talaba o‘zining yoqtirgan qiziga ulkan o‘yinchoq ayiqni sovg‘a qildi. Yigit ikki metrli ayiqni o‘zining avtomobilida universitetga olib keldi, deb xabar berdi Meduza.

Sovg‘aga qaramay qiz yigitga rad javobini bergan. Ammo ayiqni olib qolgan.

Xitoyning Weibo ijtimoiy tarmog‘i foydalanuvchilarining yozishicha, ayiq sahnasi ataylab tashkillashtirilgan va virusli reklama sifatida foydalanilgan bo‘lishi mumkin. Reklama ortida kim turgani noma’lum — ulkan o‘yinchoq ayiqni Amerikaning Costco kompaniyasi ishlab chiqaradi. Ushbu kompaniyaning Xitoyda do‘konlari mavjud emas.

Xitoy OAVlarining yozishicha, xitoylik yoshlar ommalashgan bu kabi o‘yinchoq ayiqlarni Taobao onlayn-do‘koni orqali buyurtma qilishadi.

“Daryo” yangiliklarini “Odnoklassniki”da kuzatib boring