Buyuk Britaniya Xavfsizlik kengashining Myanmadagi vaziyat bo‘yicha ochiq yig‘ilishi o‘tkazilishini so‘radi

Buyuk Britaniya BMT Xavfsizlik kengashining Myanmadagi vaziyat bo‘yicha ochiq yig‘ilishi o‘tkazilishini so‘radi. Bu haqda mamlakatning xalqaro tashkilotdagi vakolatxonasi ma’lum qildi, deya xabar beradi “Kommersant”.

“Biz rais davlat — Efiopiya yig‘ilishni 28-sentabr, payshanba kuniga belgilashini kutyapmiz”, — dedi vakolatxona vakili.

BMT qochoqlar ishi bo‘yicha oliy komissari Filippo Grandi 23-sentyabr, shanba kuni Bangladeshdagi Kutapalong lageriga tashrif buyurdi. Qochoqlar oqimi ko‘paygani tufayli mamlakat rasmiylari va BMT shoshilinch tarzda mazkur lagerni kengaytirishiga to‘g‘ri kelgandi.

Ma’lumot uchun, Myanmada mojaro boshlanganidan beri o‘tgan bir oy davomida 420 mingdan ortiq roxinja uyini tark etishga majbur bo‘ldi.

“Daryo”ning YouTube’dagi rasmiy sahifasiga obuna bo‘ling