Tramp AQSh Shimoliy Koreyaga qarshi kuch ishlatishga to‘liq tayyorligini bildirdi

Qo‘shma Shtatlar Shimoliy Koreyaga qarshi kuch ishlatish uchun to‘liq tayyor. Bu haqda AQSh prezidenti Donald Tramp Oq uydagi matbuot anjumanida ma’lum qildi, deya xabar beradi “RBK”.

Tramp harbiy aralashuv Vashington KXDR yadro va raketa dasturini rivojlantirishiga yo‘l qo‘ymaslik uchun ko‘rib chiqayotgan birinchi variant emasligini bildirdi. 

“Biz ikkinchi variantga to‘liq tayyormiz. Biroq uni tanlagudek bo‘lsak, oqibati Shimoliy Koreya uchun halokatli bo‘ladi. Bu harbiy variant deb ataladi. Agar zarurat tug‘ilsa, uni qo‘llaymiz”, — ta’kidladi AQSh prezidenti. 

“Daryo”ning Telegram’dagi rasmiy kanali — @toshqindaryo’ga a’zo bo‘ling!