Etihad Airways uchuvchisi samolyot bortida vafot etdi

Birlashgan Arab Amirligiga tegishli Etihad Airways aviakompaniyasining uchuvchisi Abu-Dabidan Amsterdamga parvozni amalga oshirayotgan vaqtda vafot etdi. Bu haqda Gulf News’ga tayanib, “RIA Novosti” xabar berdi.

Noxush hodisa sabab samolyot o‘z yo‘nalishini o‘zgartirishga majbur bo‘ldi va u zudlik bilan Kuvaytga qo‘ndi.

Aviakompaniyada ma’lum qilinishicha, samolyot Kuvaytga qo‘nishni muvaffaqiyatli amalga oshirgan, u yerda shifokorlar guruhi tezda samolyot bortiga yetib kelgan, biroq bunga qadar uchuvchining joni uzilib bo‘lgan.

“Etihad Airways Abu-Dabidan Amsterdamga yuk tashish xizmatini bajargan EY 927 reysi bortida sodir bo‘lgan noxush hodisani chuqur qayg‘u bilan ma’lum qiladi”, — deyiladi aviakompaniya xabarida.

“Daryo” yangiliklarini Facebook’da kuzatib boring