“Taxtlar o‘yini” qahramoni Jon Snou serialdagi ma’shuqasiga real hayotda uylanadi

“Taxtlar o‘yini” seriali yulduzlari, britaniyalik san’atkorlar Kit Xarington va Rouz Lesli yaqinda to‘ylari bo‘lib o‘tishini ma’lum qildi. Bu haqda 27-sentabr kuni The Guardian xabar berdi.

30 yoshli juftlik to‘yning sanasini ochiq ma’lum qilmadi.

Xarington va Lesli 2016-yil aprelida birinchi marta birgalikda jamoatchilik oldida paydo bo‘lgan edi. Bunga qadar ular o‘z munosabatlarini oshkor qilmagan edi, ammo, OAVga ko‘ra, ular 2012-yildan uchrasha boshlagan edi.

“Taxtlar o‘yini”da Kit Xarington Stark oilasi yetakchisi Jon Snou, Rouz Lesli esa yovvoyilar jangchisi Igritt obrazini jonlantirgan. Lesli shouni to‘rtinchi mavsumda tark etgan, Xarington esa uning oxirgi — sakkizinchi mavsumida ishtirok etadi.

“Daryo” yangiliklarini Facebook’da kuzatib boring