IIBB: Yozuvchi Nurulloh Muhammad Raufxon qidiruvda bo‘lgani uchun 27-sentabr kuni Toshkentga qo‘nishi bilan qo‘lga olindi

Toshkent shahar Ichki ishlar bosh boshqarmasi boshlig‘i o‘rinbosari, Tergov boshqarmasi boshlig‘i Doniyor Toshxo‘jayev 28-sentabr, payshanba kuni bo‘lib o‘tgan brifing chog‘ida yozuvchi Nurullo Otaxonov (Nurulloh Muhammad Raufxon)ning qo‘lga olinishi yuzasidan izoh berdi. Bu haqda “Gazeta.uz” xabar bermoqda.

So‘nggi ikki yildan beri Turkiyada istiqomat qilib kelgan Nurullo Otaxonov 27-sentabr kuni O‘zbekistonga qaytgan edi. Doniyor Toshxo‘jayevning ma’lum qilishicha, Otaxonov O‘zbekistonga kelishi bilan qo‘lga olingan, chunki u rasman qidiruvda edi.

Nurullo Otaxonovga nisbatan 11-may kuni Jinoyat kodeksining 159-moddasi bo‘yicha jinoyat ishi qo‘zg‘atilgan.

Doniyor Toshxo‘jayev, Toshkent IIBB boshlig‘i o‘rinbosari

Hozirda tergov harakatlari olib borilmoqda.

Xabar to‘ldirilmoqda.

“Daryo”ning YouTube’dagi rasmiy sahifasiga obuna bo‘ling