Qirg‘izistonlik deputat hokimiyatni qo‘lga olishga urinishda ayblanmoqda

Qirg‘iziston bosh prokuraturasi parlament deputati Qanatbek Isayevga qarshi jinoiy ish ochdi. U prezident saylovida nomzod O‘murbek Babanov mag‘lub bo‘lgan taqdirda hokimiyatni zo‘ravonlik bilan egallashga tayyorlanganlikda ayblanmoqda, deb xabar beradi “RIA Novosti”.

Amaldagi prezident Almazbek Atambayevning vakolat muddati 1-dekabr kuni tamom bo‘ladi. Konstitutsiyaga muvofiq, u yana prezidentlikka nomzodini ko‘rsata olmaydi. Saylov 15-oktabrga mo‘ljallangan.

Prezidentlik poygasida 12 rasman ro‘yxatga olingan nomzod va yana 59 da’vogar ishtirok etmoqda.

Sobiq bosh vazir O‘murbek Babanov prezidentning siyosiy kuchi hisoblanmish Qirg‘iziston sotsial-demokratik partiyasidan ko‘rsatilgan nomzod — Sooronbay Jeenbekovning asosiy raqiblaridan hisoblanmoqda.

“Daryo” yangiliklarini Facebook’da kuzatib boring