Mirzo Ulug‘bek tumanida giyohvandlik vositalarini iste’mol qilish uchun bangixona saqlash holati aniqlandi

2017-yilning 25-sentabr kuni soat 10:00 larda ichki ishlar idoralari xodimlari tomonidan Mirzo Ulug‘bek tumani hududida o‘tkazilgan “Qoradori-2017” tadbiri davomida fuqaro Denisov Aleksey Vladimirovich o‘zining xonadonida giyohvandlik vositalarini iste’mol qilish uchun bangixona saqlab kelayotganligi aniqlandi. Bu haqda Toshkent shahar Ichki ishlar bosh boshqarmasi xabar bermoqda.

Ashyoviy dalil tariqasida ichida 1,09 gramm “opiy” giyohvandlik vositasi bo‘lgan ikki dona shprits rasmiylashtirib olingan.

Mazkur holat yuzasidan Mirzo Ulug‘bek tumani IIB huzuridagi Tergov bo‘limi tomonidan O‘zbekiston Respublikasi JKning 273-moddasi 4-qismi (giyohvandlik vositalarini iste’mol qilish uchun bangixona saqlash) alomatlari bilan jinoyat ish qo‘zg‘atildi.

“Daryo” yangiliklarini “Odnoklassniki”da kuzatib boring