Singapurda iPhone X uchun dunyodagi eng qimmat g‘ilof taqdim etildi

Singapurning Gray International kompaniyasi iPhone X smartfonlari uchun narxi gadjetning o‘zidan ham qimmatroq g‘iloflar to‘plamini sotuvga chiqardi. Bu haqda “RIA Novosti” xabar bermoqda.

Aksessuarlar titan quymasidan besh xil rangda taqdim etildi.

G‘ilofning eng arzoni xaridorga 645 dollarga tushadi, Gold va Rose Gold modellari esa iPhone X’ning narxi bilan deyarli bir xil narxda, ya’ni 1145 dollarda sotilmoqda.

iPhone X’ni 1200 dollarga xarid qilsa bo‘ladi, uning uchun eng qimmat g‘ilof esa 1300 dollar turadi.

Apple kompaniyasi 12-sentabr kuni smartfonlarning yangi avlodi— iPhone 8, iPhone 8 Plus va iPhone X’ni sotuvga chiqardi.

“Daryo” yangiliklarini Facebook’da kuzatib boring