Kataloniya mustaqillikka erishsa, FIFA Ispaniyani JCh—2018 dan chetlatishi mumkin

Kataloniya Ispaniya tarkibidan chiqadigan bo‘lsa, FIFA futbol bo‘yicha Ispaniya milliy terma jamoasiga nisbatan sanksiyalar qo‘llashi mumkin. Bu haqda Marca nashri xabar bermoqda.

Qayd etishlaricha, agar Kataloniya mustaqillikka erishsa-yu, Ispaniya ligasi rahbariyati “Barselona” hamda Kataloniyaning boshqa klublariga La Ligada ishtirok etishni taqiqlasa, Ispaniya milliy termasi JCh—2018 dan chetlatilishi mumkin.

FIFA rahbariyati “Barselona” va Kataloniyaning boshqa klublariga La Ligada ishtirok etishni taqiqlashni davlatning futbol ishlariga aralashuvi deb baholashi mumkin.

Avvalroq “Barselona”, Ispaniya chempionatidan chiqadigan bo‘lsa, Fransiya yoki Angliya chempionatida qatnashishga tayyor ekani haqida xabarlar paydo bo‘lgan edi.

“Daryo” yangiliklarini “Odnoklassniki”da kuzatib boring