Marselda noma’lum shaxs o‘tkinchilarga pichoq bilan hujum qildi. Ikki kishi halok bo‘ldi

Noma’lum shaxs Marseldagi Sen-Sharl temiryo‘l stansiyasida o‘tkinchilarga hujum qildi. Bu haqda Meduza xabar bermoqda.

Hujum qilgan shaxs pichoq bilan qurollangan bo‘lgan. Dastlabki ma’lumotlarga ko‘ra, hodisa oqibatida ikki kishi halok bo‘lgan.

Xabar berishlaricha, politsiya maxsus operatsiya boshlagan. “Kommersant” xabariga ko‘ra, hujum qilgan shaxs huquq-tartibot organlari tomonidan otib tashlangan. Hodisa joyiga Fransiya ichki ishlar vaziri Jerar Kollon yetib kelgan.

Guvohlarning qayd etishicha, hujum qilgan shaxs “Allohu akbar” deb qichqirgan. Politsiyadagi norasmiy manba ma’lumotlariga ko‘ra, yuz bergan voqea terakt sifatida baholanmoqda.

“Daryo”ning YouTube’dagi rasmiy sahifasiga obuna bo‘ling