“Barselona”ning “Las-Palmas”ga qarshi o‘yini Kataloniyadagi to‘qnashuvlar sabab qoldirildi
Futbol bo‘yicha Ispaniya chempionati navbatdagi turidan o‘rin olgan “Barselona” va “Las-Palmas” jamoalari o‘rtasidagi o‘yin qoldirildi. Meduza’ning xabar berishicha, bu haqdagi qaror Kataloniya mustaqilligi tarafdorlari va politsiya o‘rtasidagi to‘qnashuvlardan kelib chiqib qabul qilingan.
“Las-Palmas” futbolchilari o‘yinga Ispaniya bayrog‘i yopishtirilgan liboslarda chiqmoqchi edi. Jamoa futbolchilari shu yo‘l bilan mamlakat yaxlitligi tarafdori ekanliklarini bildirmoqchi edi.
COMUNICADO OFICIAL
https://t.co/okzQAcyTj7 pic.twitter.com/5nt9GpjnwX
— UD Las Palmas (@UDLP_Oficial) October 1, 2017
Kataloniyada 1-oktabr kuni mustaqillik referendumi o‘tkazilmoqda, Ispaniya hukumati uning qonuniyligini tan olmadi. Ispaniya politsiya ovoz berish uchastkalarining bir qismini yopdi, reydlar davomida byulletenlar uchun mo‘ljallangan urnalarni olib qo‘ydi.
Ovoz berish uchastkalari yaqinida to‘qnashuvlar boshlandi. Kataloniya hukumati ma’lumotlariga ko‘ra, to‘qnashuvlar oqibatida 330 dan ziyod odam jabrlangan. Ispaniya hukumati 11 nafar politsiyachi jarohat olganini ma’lum qildi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!