Xitoylik erkak mehmonxona uchun haq to‘lashdan bosh tortib, telefon simi orqali qochib ketdi (video)

Mehmonxonada yashagani uchun haq to‘lashni xohlamagan xitoylik sayyoh telefon simi orqali qochib ketishga qaror qildi. Holat aks etgan video “Jenmin jibao” nashrining YouTube’dagi kanaliga joylangan.

Nashrning Weibo ijtimoiy tarmog‘idagi sahifasida aniqlik kiritilishicha, sim 19-qavat balandligida tortilgan edi. Dastlab erkak muvozanat saqlashga harakat qilgan, biroq keyin shunchaki osilib qolgan. Uni simdan o‘t o‘chiruvchilar tushirib olgan, politsiyachilar esa keyinroq uni politsiya bo‘limiga olib borgan. Sayyohning qochishiga qancha summa sabab bo‘lgani noma’lum.

“Daryo” yangiliklarini Facebook’da kuzatib boring