Ukrainada prezident va ichki ishlar vaziri azaldan kelishmasligi ma’lum bo‘ldi

Ukraina ichki ishlar vazirining maslahatchisi Anton Gerashchenko ICTV telekanali efirida prezident Pyotr Poroshenko va ichki ishlar vaziri Arsen Avakov o‘rtasida azaldan — amaldagi prezident shu lavozimga “kelgan birinchi kundan” — kelishmovchilik borligini ma’lum qildi, deb yozadi “Kommersant”.

Uning so‘zlariga ko‘ra, Poroshenko va Avakov o‘rtasidagi ixtilof xavfsizlikni ta’minlashga turlicha yondashuv bilan izohlanadi. “Prezident huquq-tartibot organlari ustidan butun hokimiyatni o‘z qo‘liga olmoqchi edi, “Xalq fronti” esa, shaxsan o‘zimning va Arsen Avakovning fikrimizga ko‘ra, juda xavfli narsa”, — dedi vazir maslahatchisi.

“Daryo” yangiliklarini Facebook’da kuzatib boring