Toshkentda Jasorat monumentidan Mustaqillik maydoniga olib chiquvchi yo‘l qayta tiklanmoqda
Toshkentda Sharof Rashidov ko‘chasining Jasorat monumentidan Mustaqillik maydoniga olib boruvchi qismi yaqin kunlarda ochiladi. “Gazeta.uz”ning xabar berishicha, yo‘l kelasi haftaning dushanba kuni ochilishi kutilmoqda.
Hozirgi vaqtda yo‘lning 2000-yillar o‘rtalarida yopilgan va yashil hududga aylantirilgan qismida tozalash ishlari olib borilmoqda. Jarayonga ko‘plab maxsus texnika va shahar obodonlashtirish xizmatining ko‘plab xodimlari jalb etilgan. Tozalash ishlari kunu-tun olib borilishi aytilmoqda.
“Gazeta.uz”ning qayd etishicha, Sharof Rashidov ko‘chasining bu bo‘lagi qayta tiklanishi bilan Yunusobod tumanini shahar markazi bilan bog‘lovchi Amir Temur shoh ko‘chasidagi harakat sezilarli yengillashadi.
“Daryo”ning YouTube’dagi rasmiy sahifasiga obuna bo‘ling