Braziliyada o‘g‘rilar bank omborxonasigacha tunnel qurishga 1 mln dollar sarfladi

San-Pauluda Braziliya Bankini o‘marmoqchi bo‘lgan 16 nafar gumonlanuvchi qo‘lga olindi, deb yozadi Meduza.

Bank omborxonasiga kirish uchun jinoyatchilar 600 metrlik tunnel qazib, uni metall ustunlar bilan mustahkamladi va unga elektr toki o‘tkazdi. Globo telekanali ma’lumotlariga ko‘ra, tayyorgarlik ishlariga ular qariyb 4 million Braziliya reali (taxminan 1,3 million dollar) sarflagan.

Politsiya ma’lum qilishicha, o‘g‘rilikka tayorgarlikni jinoyatchilar 4-oktabr, chorshanba kungacha yakunlashni rejalashtirgan. Ularni 2-oktabr, dushanba kuni o‘tkazilgan operatsiya natijasida qo‘lga olishdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!