Putin Tramp bilan hech qanday shaxsiy munosabatlari yo‘qligini aytdi

Rossiya prezidenti Vladimir Putin amerikalik hamkasbi Donald Tramp bilan hech qanday shaxsiy munosabatlari yo‘qligini ta’kidlab o‘tdi. “Rossiya energetika haftaligi” doirasidagi chiqishida u munosabatlar bitta uchrashuv va bir necha telefon qo‘ng‘irog‘i bilan cheklanganini aytdi, deb xabar beradi “RIA Novosti”.

“Amalda hech qanday shaxsiy munosabat yo‘q. Biz bir marta ko‘rishganmiz. Bir necha marta o‘zaro manfaatdor turli mavzularda telefon orqali gaplashganmiz. Masalan, Suriya muammosi haqida”, — dedi Putin, bu haqdagi savolga javob berarkan.

Prezident Suriya masalasi bo‘yicha Rossiya AQSh bilan juda ko‘p yo‘nalishlarda hamkorlik qilishini qo‘shimcha qildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!