Pokistonda teraktlar sodir etishda aybdor uch jangari qatl qilindi

Pokistonda oldingi yillari bir qancha teraktlarni sodir etishda aybdor deb topilgan uch kishiga o‘qilgan qatl hukmi ijro etildi. Bu haqda, Associated Press agentligiga asoslanib, “Interfaks” xabar bermoqda.

Jangarilar mamlakat shimoli-g‘arbidagi qamoqxonalardan birida qatl qilindi.

Agentlikka ko‘ra, hukm ijro etilishidan bir kun oldin pokistonlik inson huquqlari faollari mamlakatda o‘lim jazolari ko‘pligini tanqid ostiga olgan edi.

Justice Project Pakistan huquq tashkilotiga ko‘ra, 2014-yildan buyon Pokistonda 477 mahbus osish orqali qatl etildi.

“Daryo”ning YouTube’dagi rasmiy sahifasiga obuna bo‘ling