Pentagon IShID bilan hamkorlik haqidagi ayblovlarni inkor qildi

Pentagon Suriya hududida IShID bilan hamkorlik qilgani haqidagi ayblovlarni inkor qildi. bu haqda “RIA Novosti” xabar bermoqda.

Muqaddam Rossiya mudofaa vazirligi IShID terrorchi guruhi jangarilari Suriya hukumat qo‘shinlariga AQSh harbiy missiyasi o‘rnashgan hududdan hujum qilgani haqida bayonot bergan edi.

“Koalitsiya kuchlari hali ham IShIDni tor-mor keltirish ustida ishlamoqda. AQSh kuchlari va bizning hamkorlarimiz terrorchi guruhlari bilan ishlayotgani haqidagi har qanday iddaolar asossiz bo‘lib, ular IShIDni yo‘q qilish ishiga yordam bermaydi”, — ma’lum qildi Pentagon matbuot xizmati vakili Edrian Renkin-Gellouey “RIA Novosti” bilan suhbatda.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo”ning YouTube’dagi rasmiy sahifasiga obuna bo‘ling