Mirziyoyev va Atambayev “O‘zekspomarkaz”da O‘zbekiston va Qirg‘iziston sanoat mahsulotlari ko‘rgazmasi bilan tanishdi

O‘zbekiston Prezidenti Shavkat Mirziyoyev va Qirg‘iziston prezidenti Almazbek Atamboyev “O‘zekspomarkaz”da tashkil etilgan O‘zbekiston va Qirg‘iziston sanoat mahsulotlari ko‘rgazmasi bilan tanishdi. Bu haqda O‘zA xabar bermoqda.

Ko‘rgazmada ikki mamlakat so‘nggi yillarda iqtisodiyot sohasida erishgan yutuqlar, sanoatning turli tarmoqlarida faoliyat yuritayotgan kompaniyalar mahsulotlari, ilmiy-ishlab chiqarish markazlarining innovatsion loyiha va ishlanmalari namoyish etilmoqda.

Prezidentlar ekspozitsiya bilan tanishar ekan, O‘zbekiston va Qirg‘iziston o‘rtasidagi ko‘p qirrali hamkorlikni yanada rivojlantirishda bunday ko‘rgazmalar muhim ahamiyatga ega ekanini qayd etdi.

Ular ikki mamlakat iqtisodiyot tarmoqlari o‘rtasida hamkorlikning mustahkamlanishi ishlab chiqarish jarayoni takomillashishi va mahsulotlarning yanada ommaviylashishiga xizmat qilishini ta’kidladi.

“Daryo”ning YouTube’dagi rasmiy sahifasiga obuna bo‘ling