Ispaniya hukumati Kataloniyaning mustaqilligini imkonsiz deb baholadi

Ispaniya iqtisodiyot vaziri Lusi de Gindos Xurado Kataloniya mustaqillikka ega bo‘lmasligini, negaki bu mintaqada istiqomat qilayotgan odamlarning moliyaviy ahvoliga jiddiy salbiy ta’sir o‘tkazishini ta’kidlab o‘tdi. Bu haqda u Bloomberg TV telekanaliga bergan intervyusida ma’lum qildi, deb xabar beradi “RBK”.

“Aytishim kerak bo‘lgan birinchi muhim narsa — Kataloniyada joylashgan moliyaviy institutlar mustaqillik jarayoni davom etsa, ular shtab-kvartiralarini Ispaniyaning boshqa hududlariga ko‘chirishga tayyorligini bildirdi. Bu Kataloniya mintaqaviy hukumati qay darajada aqldan ozganini ko‘rsatadi”, — dedi Xurado.

Agar mintaqa mustaqil davlatga aylansa, u Yevrozonadan chiqadi, bu esa aholining daromadiga ta’sir ko‘rsatadi.

Madrid mamlakat birligini himoya qilishga tayyor, qo‘shimcha qildi vazir.

“Daryo”ning Telegram’dagi rasmiy kanali — @toshqindaryo’ga a’zo bo‘ling!