Nikaragua va Kosta-Rikada “Neyt” dovuli tufayli 20 kishi halok bo‘ldi

Nikaragua va Kosta-Rikaga “Neyt” tropik dovuli yopirildi. Natijada ikki mamlakatda 20 kishi halok bo‘ldi, deb yozadi “Kommersant”.

Kosta-Rikada favqulodda vaziyat rejimi joriy qilindi. Zarar ko‘rgan tumanlardan fuqarolar evakuatsiya qilindi. Nikaraguada maktablardagi darslar bekor qilindi.

Meksikaning Kintana-Roo shtati hukumati Karib sohillariga yaqinlashib kelayotgan “Neyt” dovuli tufayli, trevoganing “yashil” — quyi darajasini e’lon qildi.

“Daryo”ning YouTube’dagi rasmiy sahifasiga obuna bo‘ling