Mirjamol Qosimovning goli Mirjalol Qosimov jamoasini O‘zbekiston Kubogi finaliga olib chiqdi
Toshkentning “Bunyodkor” futbol klubi O‘zbekiston Kubogining finaliga yo‘llanma oldi.
Yarim finalning poytaxtda o‘tgan dastlabki o‘yinida Samarqandning “Dinamo” klubi 0:0 hisobida durang o‘ynagandi. Samarqandda o‘tgan javob o‘yinida “qaldirg‘ochlar” 2:0 hisobida zafar quchdi.
Bellashuvda O‘zbekiston milliy terma jamoasi a’zosi Otabek Shukurov hisobni ochgan bo‘lsa, bo‘lim so‘ngida bosh murabbiy Mirjalol Qosimovning o‘g‘li Mirjamol Qosimov burchak zarbasidan to‘pni to‘g‘ri darvozaga aylantirib qo‘ydi — 0:2.
“Dinamo” va “Bunyodkor” klublari joriy mavsum 4 bor to‘qnash keldi. Toshkentdagi har ikki o‘yinda ham durang qayd etilgan bo‘lsa, Mirjalol Qosimov boshqaruvida jamoa Samarqandda ikki marta bir xil — 2:0 hisobida zafar quchdi.
O‘zbekiston Kubogi yarim finalidan joy olgan ikkinchi bellashuvda “Nasaf” va “Lokomotiv” klublari o‘zaro to‘qnash keladi. O‘zbekiston Kubogida zafar quchgan jamoa Osiyo Chempionlar Ligasiga yo‘llanma oladi.
O‘zbekiston Kubogi
Yarim final
6-oktabr, juma
Gollar: Otabek Shukurov, 19 (0:1). Mirjamol Qosimov, 45 (0:2).
Chetlatish: Amirjon Safarov, 41 (D).
Dastlabki o‘yin: 0:0
“Daryo” yangiliklarini “Odnoklassniki”da kuzatib boring
Добавить комментарий!
- отсутствуют
- отсутствуют