Turkiyada o‘ldirilgan rus elchisining surati kompyuter o‘yinida topildi

Batman: The Enemy Within o‘yinining yaratuvchilari o‘yinning ikkinchi qismida Rossiyaning Turkiyada o‘ldirilgan elchisi Andrey Karlovning jasadi suratidan foydalangan. Bunga Twitter foydalanuvchilari e’tibor qaratdi, deb yozmoqda Meduza.

Fotosurat o‘marilgan bank rasmiga montaj qilingan va o‘yinning umumiy stili tarkibiga qo‘shilib ketgan.

Surat qanday qilib o‘yinga tushib qolgani hozircha noma’lum. O‘yinni yaratgan Telltale Games studiyasi holatga izoh bermagan.

Rossiya TIV vakili Mariya Zaxarova fotosurat o‘yindan chiqarib tashlanishi uchun vazirlik barcha kerakli ishni qilishini ma’lum qilgan.

“Daryo” yangiliklarini “Odnoklassniki”da kuzatib boring