Tergovchilar Manchesterdagi teraktning Germaniyaga aloqadorligini aniqladi

Manchester shahridagi terakt ijrochisining ukasi Germaniyadagi asli liviyalik bo‘lgan biznesmenlar bilan aloqa qilgani aniqlandi. Bu haqda Buyuk Britaniya va Germaniya maxsus xizmatlaridagi manbalariga asoslanib K?lner Stadt-Anzeiger gazetasi ma’lum qildi, deb xabar beradi “TASS”.

22 kishining o‘limiga sabab bo‘lgan terakt ijrochisi, xudkush Salmon Obidiyning ukasi Xoshim Obidiy Germaniyada, Leypsig va Vaysenfels shaharlarida ikki marta ko‘zga ko‘ringang. Aholisi 40 ming kishidan iborat Vaysenfelsda kattagina liviyaliklar jamoasi yashaydi.

Kichik Obidiy aloqa qilgan biznesmenlar noqonuniy pullarni legallashtirishda gumonlanmoqda. Uning Germaniyaga safarlari Manchesterdagi teraktlarni aynan o‘shalar moliyalashtirganidan dalolat berishi mumkin, ma’lum qiladi maxsus xizmatlardagi manbalar.

Xoshim Obidiy may oyida Liviyada qo‘lga olingan edi.

“Daryo” yangiliklarini “Odnoklassniki”da kuzatib boring