Las-Vegasda 58 kishini o‘ldirgan qotilning xonasidan o‘tishma bo‘yicha hisob-kitoblar topildi

Las-Vegasdagi Mandalay Bay mehmonxonasining Stiven Peddok otishma uyushtirgan xonasidan qo‘lda yozilgan hisob-kitoblar topildi. Bu olomonga qarata uyshtirilgan otishma hisob-kitoblari bo‘lgan, deb xabar bermoqda Meduza.

Taxmin qilinishicha, yozuvlarni Peddokning o‘zi yozgan. Uning yordamida Peddok mehmonxona yonidan o‘tayotgan festival mehmonlarini qanday qilib yaxshiroq nishonga olishni rejalashtirgan.

Yozuv Peddokning jasadi yonidagi stol ustida bo‘lgan, uni The Daily Mail tomonidan e’lon qilingan suratda payqash mumkin bo‘lgan, deyiladi xabarda. Bu yozuvlar uning o‘limi oldidan qoldirgan maktubi bo‘lishi mumkinligi ham taxmin qilingan.

Politsiyada hali ham Stiven Peddokning jinoyat motivlari haqida birorta versiya yo‘q.

“Daryo” yangiliklarini Facebook’da kuzatib boring