Turkiya rasmiylari AQSh bosh konsulligining yana bir xodimini hibsga olishga order berdi

Turkiya rasmiylari AQShning Istanbuldagi bosh konsulligi yana bir xodimini hibsga olishga order berdi. U muxolifatchi Fathulloh Gyulenning FETO tashkilotiga aloqadorlikda gumon qilinmoqda, deya xabar beradi “TASS”.

Sabah nashriga ko‘ra, Amerika diplomatik vakolatxonasi xodimi bo‘lgan Turkiya fuqarosini hibsga olishga 8-oktyabr, yakshanba kuni Istanbul bosh prokuraturasi order berdi.

Gumonlanuvchi turk huquq-tartibot idoralari tomonidan qo‘lga olinishdan xavfsirab, konsullik hududini tark etmayapti.

Eslatib o‘tamiz, 4-oktabr kuni AQShning Istanbuldagi bosh konsulligi xodimi Metin Topuz ham FETO bilan aloqadorlikda gumon qilinib, hibsga olingandi. 

“Daryo”ning Telegram’dagi rasmiy kanali — @toshqindaryo’ga a’zo bo‘ling!