Sakkizinchi “Yulduzli janglar” rejissori treylerni ko‘rmaslikni maslahat berdi

“Yulduzli janglar. 8-qism: Oxirgi jedaylar” filmi rejissori Rayan Jonson kartina treylerini ko‘rmaslikni maslahat berdi. Bu haqda u Twitter’dagi sahifasi orqali ma’lum qildi.

Kinematografist obunachisining quyidagi savoliga javob berdi:

“‘Oxirgi jedaylar’ haqida har qanday axborotdan qochishni maslahat bergandingiz? Bu keyingi treylerga ham oidmi?”.

“Spoylerlarni xohlamasangiz, ularni chetlab o‘ting”, — maslahat berdi Jonson.

Shu bilan birga, u treyler yaxshi chiqqanini qo‘shimcha qilib o‘tdi.

Videorolik 10-oktabr kuni internetda chiqishi kutilmoqda.

“Daryo” yangiliklarini “Odnoklassniki”da kuzatib boring