Pentagon Suriya rasmiylarining terrorchilar bilan aloqa qilishda ilgari surgan ayblovlarini “bema’ni” deb atadi
Pentagon vakili suriyalik general tomonidan AQShning IShID va “Jabhat an-Nusra”ga qurol yetkazib berilishi haqidagi ayblovlari haqiqatga mos kelmasligini ta’kidlab o‘tdi. Bu haqda “RIA Novosti” xabar bermoqda.
Oldinroq Suriya armiyasi bosh operativ boshqarmasi boshlig‘i diviziya generali Ali al-Ali Vashington Suriyada muxolifatga emas, terrorchilarga qurol yetkazib berayotgani haqida bayonot bilan chiqqan edi.
“Damashq AQSh 5-iyundan 15-sentabrga qadar Suriyada terrorchilarga 1412 yuk mashinasida harbiy mulk va qurol yetkazib berganini biladi”, — degan edi u.
Uning fikricha, bu qurol IShID va “Jabhat an-Nusra” qo‘liga yetib borgan.
“Bu bayonotlar mutlaqo bema’ni va haqiqatga mos emas. Ular Rossiya va Suriya rejimining propaganda kampaniyasidan boshqa narsa emas. AQSh Suriya hududida terrorchilikka qarshi kurash maqsadida ishlamoqda”, — ta’kidladi Pentagon vakili “RIA Novosti” muxbiri bilan suhbatda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
“Daryo” yangiliklarini “Odnoklassniki”da kuzatib boring