Qirg‘izistonda davlat to‘ntarishini tashkillashtirishda gumonlangan siyosatchi qo‘lga olindi

Qirg‘iziston milliy xavfsizlik davlat qo‘mitasi “Mekenchil” siyosiy partiyasi a’zosi Melis Aspekovning qo‘lga olinganini ma’lum qildi, deb yozadi “Gazeta.ru”. U 15-oktabrdagi prezident saylovidan keyin respublikada hokimiyatni egallab olishni tashkillashtirishga urinishda gumon qilinmoqda.

Muassasa ma’lumotlariga ko‘ra, Aspekov Bishkekda bir hafta avval hibsga olingan mamlakat parlamenti deputati, “Qirg‘iziston” siyosiy partiyasi yetakchisi Qanotbek Isayev hamda “Respublika” partiyasining ba’zi tarafdorlari bilan aloqa qilgan holda prezident saylovlari chog‘ida va undan keyin ommaviy tartibsizliklarni tashkil qilish uchun tarafdorlarni to‘plashga uringan.

Ushbu holat bo‘yicha jinoiy ish qo‘zg‘atildi.

“Daryo” yangiliklarini “Odnoklassniki”da kuzatib boring